Қазанның 1-2 күні Мемлекеттік тілді дамыту қоры Астанада өткен Geek Con 2022 аниме және гик-мәдениеті фестиваліне қатысып, «Ұлы дала аңыздары» атты комикстерін келушілерге ұсынды. Бұл комикстерде: ер бабаларымыздың рухы, кіршіксіз таза махаббаты, сөз өнері және тарихы көрсетілген. Олар: «Қозы Көрпеш–Баян сұлу», «Естай-Хорлан», «Жұмбақтас», «Шайтанкөл», «Айша бибі», «Балқаш»,«Еңлік — Кебек», «Ер Тарғын», «Ер Төстік», «Алпамыс батыр», «Керқұла атты Кендебай», «Нарқыз», «Кенесары-Наурызбай», «Қамбар батыр».

Фестиваль қатысушылары комикс идеясына тәнті болды. Сатып алушылар арасында шетел азаматтары да болды. Олар қазақ елінің тарихын білу мақсатында комикстерді қызыға алды.

Дәл осындай фестиваль жуырда, 23 қазан күні Алматы қаласында AlmaCon – 2022 өтеді. Фестивальға Qazcomics.kz ұлттық комиксі қатысуды жоспарлап отыр.