Үстіміздегі жылдың 30 қазанында «Назарбаев орталығында» ҚР Тұңғыш Президенті – Елбасының Қоры мен Мемлекеттік тілді дамыту қоры жариялаған, жоғарғы сыныптар арасында республикалық «Кім білгіш?» интеллектуалды-танымдық мобильді ойынының қорытынды финалы және марапаттау рәсімі өтеді.
Іс-шара Елбасы Нұрсұлтан Назарбаевтың Қазақстан халқына Жолдауындағы жастарды қолдау мәселесі мен қатысушылардың интеллектуалды мүмкіндіктерін дамытуға және оқу-танымдық қабілеттерін ынталандыру мақсатын жүзеге асыру аясында өтеді.
2018 жылдың 1 шілдесінен 30 тамызына дейін онлайн режимінде екі кезеңі өтті. Бірінші турға еліміздің барлық өңірлерінен тіркелген 6500-ден астам оқушылар қатысты. Қорытынды финал Астана қаласында өтеді, және сол жерде ең ақылды оқушылардың есімдері белгілі болады. Жеңімпаздар ұйымдастырушылар атынан арнайы дипломдар мен бағалы сыйлықтарға ие болады.
Қорытынды турдың өтетін жері: Астана қ. Бөкейхан көшесі, 1 «Назарбаев орталығы»
Анықтама телефоны: 27-26-09
