2017 жылғы 10-13 кыркүйекте Шығыс Қазақстан облысының Абай ауданында жалпы білім беру ұйымдарының оқушылары арасында «Дарын» республикалық ғылыми-практикалық орталығы Мемлекеттік тілді дамыту қорының қолдауымен XVIII республикалық Абай оқуларын өткізді.

Абай оқуларының негізгі мақсаты — мектеп оқушылары арасында Абай, Шәкәрім шығармаларын насихаттау, оқушылардың шығармашылық қабілеттерін, эстетикалық талғамдарын, тұлғалық сезім мәдениетін дамыту және оларға қолдау көрсету, ұлылыр поэзиясына, рухани мұрасына деген сүйіспеншілікке тәрбиелеу.

Республикалық Абай оқулары номинациялары:

- «Өлең – сөздің патшасы, сөз сарасы» - Абай мен Шәкәрім шығармаларын жатқа оқу конкурсы;

— «Көңілім әнді ұғады» - Абай мен Шәкәрімнің әндері мен күйлерін орындау конкурсы;

— «Жүйріктен жүйрік озар жарысқанда» — жас дарындар конкурсы (өз шығармаларын орындау: өлеңдер, әндер, күйлер).

— «Ұлылар әлемі» — Абай және Шәкәрім еңбектеріне эссе жазу.

Абай оқуларына әр облыстан, республикалық мектеп-интернаттардан, «Назарбаев Зияткерлік мектептерінен» оқу тіліне қарамастан облыстық кезеңнен жүлделі орын алған 4 оқушы, Шығыс Қазақстан облысынан дәстүрлі түрде екі команда: облыс пен Абай ауданының құрама командалары, жалпы республика бойынша 72  оқушы қатысты.

XVIII республикалық Абай оқуларына қатысушылардың орындауларын білікті қазылар алқасы бағалады.

Жүлдегерлерді мараптаттау рәсімі 12-қыркүйек күні, сағат 18.00-де Жидебайдағы Абай-Шәкәрім кесенесінде өтті.

Байланыс телефоны: 8/7172/ 27 26 09