Ақыл-ой және рухани дамудың, қарым-қатынастың құралы ретінде қазақ тілін меңгеруге деген қызығушылық танытқан, лингвистикалық қатынаста дарынды оқушыларды қолдау және анықтау мақсатында Қазақстан Республикасы Білім және ғылым министрлігінің «Дарын» республикалық ғылыми-практикалық орталығы Мемлекеттік тілді дамыту қорының қолдауымен өзге ұлттың 5-10 сынып оқушылары арасында қазақ тілінен «Тіл – мемлекет тәуелсіздігінің символы» IX республикалық қашықтық олимпиадасын өткізді.

Олимпиадаға 5-10 сыныптарда оқитын өзге ұлт өкілдерінің оқушылары қатысты. Олимпиада екі кезеңде өткізілді:

On-line режиминде өткен I кезеңге 1972 оқушы қатысты.

2014 жылдың 5 — 7 қаңтарындағы қашықтық кезеңінің қорытындысы бойынша көп ұпай жинаған қатынасушылар «Балдәурен» Республикалық оқу-сауықтыру орталығында өтетін соңғы кезеңге шақырылды.

Олимпиаданың I, II кезеңдерінің тапсырмалары Ұлттық тестілеу орталығының мемлекеттік тілді дамыту басқармасының мамандарының дайындауымен құрастырылды.

Олимпиаданың салтанатты жабылу рәсімінде жеңімпаздар мен жүлдегерлер қазылар алқасының шешімімен «Дарын» РҒПО-ның I, II, III дәрежелі дипломдары және грамоталарымен марапатталды. Олимпиада жеңімпаздары мен жүлдегерлерін дайындағаны үшін қазақ тілі пәнінің мұғалімдері грамоталармен марапатталды.

Барлық қатысушыларға «Дарын» РҒПО-ның сертификаттары мен Мемлекеттік тілді дамыту қорының арнайы сыйлықтары тапсырылды.

Мәдени іс-шаралар аясында олимпиадаға қатысушылар Бурабай-курорттық зонасына саяхат жасады.

Мемлекеттік тілді дамыту қорының
баспасөз қызметі