Қысыр сөзге жолама.
Біліп айтқан сөзге құн жетпейді, тауып айтқан сөзге шын жетпейді.
Жасына қарай отырып, жағына қарай сөйлер болар.
Жол анасы - тұяқ, сөз анасы - құлақ, су анасы - бұлақ.
Тіл - қай халықтың болсын басты белгісі.
Тілде сүйек, ерінде жиек жоқ.
Тіл - бұлбұл, сөз бұлақ.
Нағыз түрік затты халық тілі - біздің қазақта.
Бәрін айт па, бірін айт - сөздің тұрар жерін айт.
Өз тілін өзі білмеген ел - ел болмайды.
Тіл - адам жанының тілмашы.
Кеңсе тілі қазақша болмай, іс оңалмайды.
Тіл түйгенді тіс шеше алмайды...
17 Қаңтар 2014 | 8:41
АСТАНА. 17 қаңтар. ҚазАқпарат — «Қазақ тілі бүгінде ғылым мен білімнің, интернеттің тіліне айналды. Қазақ тілінде білім алатындардың саны жыл өткен сайын көбейіп келеді».
«Енді ешкім өзгерте алмайтын бір ақиқат бар! Ана тіліміз Мәңгілік Елімізбен бірге Мәңгілік тіл болды. Қазақ тілін даудың тақырыбы емес, ұлттың ұйытқысы ете білгеніміз жөн»- деп мәлімдеді Елбасы Нұрсұлтан Назарбаев Қазақстан халқына арнап кезекті Жолдауын жариялау кезінде.
inform.kz
17.01.2014
