2024 жылы 11 қарашада Павлодар қаласындағы Мемлекеттік тілді оқыту орталығында Нұрсұлтан Назарбаев Қорының қолдауымен қазақ тілін дамыту мен үйренуге арналған «Сөйлесу клубы» өтті.

Іс-шараға Soyle платформасының өкілі Азат Шауеев, жазушы және абайтанушы Болат Жүнісбеков, қазақ тілін оқыту әдістемелерінің авторы Шолпан Кинжикова, сондай-ақ мемлекеттік қызметкерлер, әскери қызметшілер мен Павлодар қаласының тұрғындары қатысты. Олар қазақ тілін дамытуға үлкен қызығушылық танытып, белсенділік көрсетті.

Кездесу барысында Soyle және Qazaq tili платформалары арасында қазақ тілін оқыту тәжірибесімен алмасу ұйымдастырылды. Qazaq tili платформасының авторы жоғарыда аталған қазақ тілі мұғалімі — Шолпан Кинжикова.

«Сөйлесу клубы» ұлттық тілді мәдени құндылық ретінде қолдау мақсатында өткізілді. Қатысушылар осындай бастамалардың маңыздылығын атап өтіп, қазақ тілінің қоғамдағы орны мен дамуына үлес қосып жүрген барлық азаматтарға алғыстарын білдірді. Іс-шара соңында қатысушыларға үш тілдегі комикстер мен қазақ тілін үйренуге арналған кітаптар сыйға тартылды.

2024 жылдың 9 қазанында Петропавл қаласында Нұрсұлтан Назарбаев Қорының қолдауымен Soyle.kz қазақ тілін үйрену платформасы ұйымдастырған спикинг-клуб өтті. Іс-шара қала тұрғындары арасында қазақ тілін үйрену мен оны насихаттауға бағытталды. Бейресми жағдайда қатысушылар маңызды мәселелерді талқылап, тілді меңгеру тәжірибелерімен бөлісті, әндер айтып, қазақ тілінде еркін сұхбат құрды.

Азат Шәуев Soyle.kz платформасы арқылы қазақ тілін тегін үйрену мүмкіндіктері туралы айтып, интернет қолданушылары үшін курстың қолжетімділігі мен ыңғайлылығын ерекше атап өтті. Кездесудің арнайы қонағы, танымал жазушы және абайтанушы Болат Жүнісбеков қатысушыларды поэзия әлемімен таныстырды.

Іс-шараның соңында қатысушыларға екі тілде шығарылған кітаптар мен комикстер сыйға тартылып, бұл кездесуден ерекше белсенділік пен жылы әсер қалды.

Soyle.pro — қазақ тілін үйренуге арналған заманауи онлайн-платформа және мобильді қосымшасын іске қостық. Ресурс әлемдегі ең үздік тіл үйрену қосымшаларына ұқсас жасалған. Пайдаланушыларымызға ыңғайлы болу үшін ойын мен оқу процесінің элементтерін біріктіретін инновациялық тәсілді алға тарттық.

Soyle.pro мобильді қосымшасы iOS пен Android жүйелерінде қолжетімді. Бұл тіл үйренуді кез келген уақытта және кез келген жерде ыңғайлы түрде жүзеге асыруға мүмкіндік береді. Платформа 10-15 минуттық 20-30 тапсырмадан тұратын сабақтарды ұсынады. Пайдаланушылар «тәжірибе ұпайларын» жинап, оларды жетістік белгілеріне айырбастау арқылы сөздік қорларын байыта алады.

Soyle.pro мобильді қосымшасының артықшылықтары:

• Мобильді құрылғылар арқылы қол жетімділік.
• Сабақтар туралы тұрақты push-хабарламалар.
• Конверсияны арттыру және дерек жинау мүмкіндіктері қызмет сапасын жақсартуға ықпал етеді.

Платформа пайдалануға дайын, қазақ тілін меңгергісі келген адамдар Soyle.pro арқылы оқуларын бастай алады.

Soyle әрқашан Skills Enbek сияқты әлеуметтік жобаларды қолдауға тырысады және қазақ тілін үйренгісі келетіндер үшін ең жақсы оқу жағдайларын қамтамасыз етеді. Skills Enbek платформасында қазақ тілін үйренуге арналған жарнамалық курсты іске қосқанымыз туралы жаңалықпен бөлісуге қуаныштымыз.

Skills Enbek – нарықтық принцип (қызмет көрсету нарығы) негізінде онлайн курстарға қол жеткізуді қамтамасыз ететін халықаралық оқыту платформаларының қазақстандық аналогы. Skills Enbek-те 300 мың адам оқуды сәтті аяқтап, сертификат алды, оның ішінде жұмыспен қамтылғандар мен жұмыссыздар, жастар және өз ісін ашуды жоспарлап жүргендер бар.

Нұрсұлтан Назарбаев Қорында дарынды жас ақындар мен жазушылар марапатталды. Мұнда «Алтын тобылғы» республикалық әдеби байқауының жеңімпаздарын марапаттау рәсімі өтті.

Биыл үздік қаламгерлер «Жылдың үздік прозасы», «Жылдың үздік поэзиясы», «Жылдың үздік драматургиясы», «Жылдың үздік балалар шығармасы», «Фантастика жанрындағы үздік шығарма», «Жылдың үздік киносценарийі», сонымен қатар, «Жаңа Қазақстанның жасампаз ұрпағы» (арнайы номинация) сынды жеті номинация бойынша анықталды.

Әр номинацияның жеңімпаздарына 2 млн. теңге, ал арнайы номинацияның жеңімпазына 3 млн. теңге сыйлықақы беру көзделген.

 «Алтын тобылғы» — Нұрсұлтан Назарбаев Қорының дарынды жастарды анықтауға және қолдауға бағытталған маңызды жобасының бірі. Бұл байқауды 2015 жылдан бері өткізіп келеміз, жастар тарапынан қызығушылықтың азаймайтынын көріп отырмыз. Жыл сайын байқауға қатысуға 100-ден астам туынды келеді. Шығармалардың авторлары бұл еліміздің түкпір-түкпіріндегі 18-35 жас аралығындағы жандар», — деді марапаттау рәсімі барысында Қордың атқарушы директорының орынбасары Әлкей Марғұланұлы.

Әлкей Марғұланұлының айтуынша, биыл байқауға қатысуға 126 шығарма келіп түскен. Белгілі ақын-жазушылар, қоғам қайраткерлері, БАҚ басшыларынан жасақталған қазылар алқасының мүшелеріне жеңімпаздарды анықтау қиынға соқты. Өйткені, ұйымдастырушылар атап өткендей, шығармалар бірінен-бірі өтеді. Қазылар алқасы оларды өзіндік ерекшелігіне, көркемдік деңгейі мен тақырыпты жан-жақты терең аша алуына қарап бағалады.

Авторлар шығармасы арқылы жалпыадамзаттық құндылықтар – гуманизм, ізгілік, өзара көмек туралы баяндап, халықтың патриотизмін, оптимизмін және мықты ерік-жігерін көрсетеді.

Әсіресе, «Жылдың үздік поэзиясы» номинациясына көп шығарма ұсынылды (26 шығарма). Биыл «Жылдың үздік киносценарийі» және «Жаңа Қазақстанның жасампаз ұрпағы» номинациясының жеңімпаздары анықталмады.

«Алтын тобылғы» байқауының жеңімпаздары:

- «Жылдың үздік прозасы» номинациясында Диана Мырзағалиева («Оазис среди боли» шығармасы), Нұржан Нұрбек («Өмір» галереясы»);

- «Жылдың үздік поэзиясы» — Әмәлият Арқалық («Өмір қаласындағы өмір»);

- «Жылдың үздік драматургиясы» — Қыдырбаев Ілияс («Шындық пен жалған»);

- «Жылдың үздік балалар шығармасы» — Жадыра Жанарбек («Мен мысық емеспін») және Әлихан Иманғазин («Эллиот»);

— «Фантастика жанрындағы үздік шығарма» Есбол Социалхан («2026» романы).

Бұған қоса, «Жылдың үздік поэзиясы» номинациясы аясында ынталандыру жүлдесі ретінде 1 миллион теңгені Файзолла Алпамыс («Жүректің жауһар жырлары» шығармасы) алды.

Дереккөз: fnn.kz

Қыркүйектің 29,30 күндері Soyle командасы “Speaking club” қазақ тілінде еркін сөйлеп, дұрыс қолдану бойынша ғаламтор оқырмандарымен онлайн және оффлайн форматта кездесулер өткізді. Әр ай сайын кездесулерімізде қазақ тілін үйренушілердің саны артып келе жатыр. Осы жолы да қазақ тілін үйренемін деген Soyle.kz оқырмандары сөз додасында пікіралысты. Көбісі жаңа сөздер үйреніп, жаңа таныстар тауып қайтты. Ойында командаға бөлініп өз білгірліктерін көрсетіп қайтты.
Спикер ретінде нейролингвист Айгерим Хопур шақырылды.

«ResmiClub» кездесулеріне қолдау көрсететін бас серіктесіміз – «Samruk-Kazyna Trust» әлеуметтік жобаларды дамыту қоры.

Фестиваль қатысушылары комикс идеясына тәнті болды. Сатып алушылар арасында шетел азаматтары да болды. Олар қазақ елінің тарихын білу мақсатында комикстерді қызыға алды.

1 маусым, балаларды қорғау күні, Soyle.kz командасы Астана қаласының «Қошақан» балабақшасының тәтті қошақандарына өздерінің белгілі жобаларының бірі «Qazcomics» атты комикстер және «Тәтті алма» атты балалар әдебиетін сыйға тартты.

Тәтті алма — балаларға қазақ тілін үйренуге арналған ойын түріндегі сайт.

Авторлық шығарманы өткізу мерзімі: 2023 жылғы 20 сәуірден 30 қазанға дейін.

Нұрсұлтан Назарбаев Қоры «Алтын тобылғы» әдеби байқауын ұсынады, жас ақындар мен жазушыларға өздерін көрсетуге мүмкіндік береді.

Байқау заманауи қазақстандық көркем әдебиетті қолдауға, дамыту мен насихаттауға, жас қаламгерлерді анықтауға және ынталандыруға бағытталған.

Жүлде байқау негізінде төмендегі номинациялар бойынша тағайындалады:

- «Жылдың үздік прозасы»;

- «Жылдың үздік поэзиясы»;

- «Жылдың үздік драматургиясы»;

- «Жылдың балаларға арналған үздік шығармасы»;

- «Жылдың үздік киносценарийі»;

- «Жылдың үздік фантастикалық туындысы».

Бұған қоса, биыл Қор «Жаңа Қазақстанның жасампаз ұрпағы» тақырыбына арналған үздік әдеби туынды» арнайы номинациясын тағайындады.

Номинация жеңімпаздарына «Алтын тобылғы» әдеби сыйлығының лауреаты атағы беріліп, 2 млн. теңге көлемінде ақшалай сыйлық табыс етіледі. Ал арнайы номинация жеңімпазы 3 млн. теңге алады.

Байқауға 18-35 жас аралығындағы жас қаламгерлердің қазақ және/немесе орыс тілдеріндегі шығармасы қабылданады. Автор екі номинацияға қатысуға құқылы.

Байқауға бұрынғы жеңімпаздар қатыса алмайды.

Байқауға бір автордың бұрын еш жерде жарияланбаған екі шығармасы ғана қабылданады.

Қолжазба А4 форматында, Times New Roman қарпі, қаріп өлшемі 14, интервал 1 болуы керек. Қолжазбаның көлемі:

прза үшін – 35 беттен кем емес;

поэзия үшін – 5 беттен кем емес;

драмалық шығарма үшін – 30 беттен көп емес;

балалар әдебиеті үшін – 25 беттен көп емес;

киносценарий үшін – 25 беттен кем емес;

фантастикалық шығарма үшін – 20 беттен кем емес.

Шығармалар 2023 жылдың 30 қазанына дейін қабылданады.

Өтінімді (шығарманы) пошта арқылы Астана қаласы, Ә.Бөкейхан көшесі, 1А, Нұрсұлтан Назарбаев Қорына немесе at2022@fnn.kz электрондық мекенжайына жіберу керек.

Сілтеме:https://fnn.kz/news/1150

Платформа кімге арналған?

— 4 жастан 10 жасқа дейінгі балаларға

— ата-аналарға

— бастауыш сынып мұғалімдеріне

— балабақша тәрбиешілеріне

— балалар орталықтарының оқытушыларына

Платформаның бірегейлігі — алғашында балалар сайтты ересектердің көмегімен меңгерсе, кейін сабақты өз бетінше жалғастыра алады. Осылайша, ата-аналар үшін балаларының нәтижелеріне қуану ғана қалады. Сондай-ақ, сайтта мектепке дейінгі және бастауыш мектеп мекемелері үшін қазақ және орыс тілдерінде оқытудың өзекті дидактикалық материалдары бар. Балаларға арналған 6 томдық «Тәтті алма» жинағының көркем шығармаларын https://tattialma.kz/kz сайтында, «Кітапхана» бөлімінде оқуға болады.

Сайт екі негізгі функцияны біріктіреді:

— бастауыш сынып оқытушыларына бағытталған және оларды қазақ тілінде оқыту контентімен қамтамасыз етуді көздейді;

— балаларға арналған ойын түріндегі білім беру бағдарламасы.

Қазіргі уақытта №1 Soyle.kz онлайн-порталында әлемнің түкпір-түкпірінен 300 мыңға жуық пайдаланушы қазақ тілін үйренуде. Сондай-ақ, Soyle.kz командасының тіл үйрететін «Soyletube», «Soyletiktok» арналары, қазақ тілілінде сауатты іс қағаздарын жүргізуге көмектесетін «Resmihat.kz» платформасы, «Qazcomics.kz» веб-графикалық романдар сериясы, Қазақстандағы тұңғыш «Abaialemi.kz» онлайн-энциклопедиясы, «Qazaqstan 3D» Қазақстанның киелі жерлерінің картасы және «Кім білгіш?» тұңғыш отандық мобильді зияткерлік ойыны сияқты жобалары сәтті жұмыс істеуде.